திருப்பத்தூர் மாவட்டம் பொம்மிகுப்பம் அரசு மேல்நிலைப்பள்ளியில் பள்ளி மேலாண்மை குழு உறுப்பினர்கள் தேர்தல் நடைபெற்றது…

திருப்பத்தூர் மாவட்டம் பொம்மிகுப்பம் அரசு மேல்நிலைப்பள்ளியில் பள்ளி மேலாண்மை குழு உறுப்பினர்கள் தேர்தல் ( 24/08/24) காலை 10:00 மணி அளவில் நடைபெற்று முடிவுகள் வெளியிடப்பட்டது…. தேர்தல் முடிவுகள் அறிவிப்பு கூட்டத்திற்கு பள்ளியின் தலைமை ஆசிரியர் சிவக்குமார் தலைமை தாங்கினார். பெற்றோர் ஆசிரியர் கழக தலைவர் விஜயகுமார், பொருளாளர் வாதாபி, ஊராட்சி மன்ற தலைவர் தேன்மொழி வெங்கடேசன் முன்னிலை வகித்தனர். தேர்தல் பார்வையாளராக தமிழ்நாடு அறிவியல் இயக்கத்தின் மாவட்ட துணைச் செயலாளர் பாண்டியன் கலந்து கொண்டார். பள்ளி மேலாண்மை மறு கட்டமைப்பு தேர்தலில் தலைவர், துணைத் தலைவர், கல்வியாளர் உறுப்பினர்கள் என்று தேர்வு செய்யப்பட்டனர். தேர்வு செய்யப்பட்டவர்களுக்கு சான்றிதழ் வழங்கப்பட்டது.இந்த நிகழ்வில், சமூக ஆர்வலர்கள் ராம்குமார் ராதாகிருஷ்ணன் மாணவர்களின் பெற்றோர்கள், முன்னாள் மேலாண்மை குழு தலைவர் உறுப்பினர்கள் என்று பலர் திரளாக கலந்து கொண்டனர்…. நிகழ்ச்சியின் இறுதியில் பள்ளியின் கணித ஆசிரியர் கார்த்திகேயன் நன்றி கூறினார்….