வேலூர் மாவட்ட திமுக எம்.பி கதிர் ஆனந்த் வீட்டில் ED ரெய்டு… வேலூர் மாவட்டம் காட்பாடியில் திமுக எம்.பி கதிர்ஆனந்த் வீட்டில் அமலாக்கத்துறை சோதனை 2019 தேர்தலில் வாக்காளர்களுக்கு கொடுக்க வைக்கப்பட்டிருந்த பணம் சிக்கிய விவகாரம்.. ஒரு மணி நேரத்திற்கும் மேலாக காட்பாடி காந்திநகர் இல்லத்தில் சோதனை காந்திநகர் இல்லத்தில் அமைச்சர் துரைமுருகனும் வசித்து வருகிறார்.. சி.ஆர்.பி.எப் வீரர்கள் பாதுகாப்புடன் அமலாக்கத்துறை சோதனை காட்பாடியில் உள்ள திமுக நிர்வாகி சீனிவாசன் என்பவரது வீட்டிலும் சோதனை…

குமரி மாவட்டத்தில் உள்ள சுசீந்திரம் தாணுமாலயசாமி கோவிலில் மார்கழி பெருந்திருவிழா ஆண்டுதோறும் சிறப்பாக கொண்டாடப்படுவது வழக்கம்.அதேபோல் இந்த ஆண்டுக்கான மார்கழி திருவிழா நாளை (04.01.25) காலை கொடியேற்றத்துடன் தொடங்குகிறது.திருவிழா வருகிற ஜன.13 வரை 10 நாட்கள் நடக்கின்றன.இன்று மாலை 04.30 மணிக்கு கோட்டார் இடலாக்குடி ருத்ரபதி விநாயகர் கோவிலில் இருந்து மரபுப்படி பட்டாரியார் சமுதாயத்தினர் கொடிப் பட்டத்தை மேளம்,தாளம்,வெடிமுழக்கத்துடன்,முத்துக்குடை ஏந்தி ஊர்வலமாக எடுத்து வந்தனர். சுசீந்திரம் கோவில் நுழைவு வாயில் முன்பு ஊர் மக்கள் சார்பில் கொடிப்பட்டத்திற்கு வரவேற்பு கொடுக்கப்பட்டு கொடிப்பட்டம் 4 ரத வீதிகள் வழியே ஊர்வலமாக கொண்டு செல்லப்பட்டு குமரி மாவட்ட அறங்காவலர் குழு தலைவர் பிரபா ஜி.ராமகிருஷ்ணனனிடம் ஒப்படைக்கப்பட்டது. நிகழ்வில் கோயில் மேலாளர் ஆறுமுகதரன்,கணக்கர் கண்ணன் உட்பட அதிகாரிகள் பங்கேற்றனர்...