கன்னியாகுமரி மாவட்ட காவல் கண்காணிப்பாளர் மருத்துவர் இரா.ஸ்டாலின் உத்தரவின்படி கேரள மாநில எல்லை பகுதியில் தீவிர கண்காணிப்பு மேற்கொள்ளப்பட்டு வருகிறது.கன்னியாகுமரி மாவட்ட காவல் கண்காணிப்பாளரின் சிறப்பு அதிரடிப்படை போலீசார் நடத்திய தீவிர சோதனையில் கேரளாவில் இருந்து கழிவுகள் கொண்டு வந்த 5 வாகனங்கள் பறிமுதல் செய்யப்பட்டு வாகன உரிமையாளர்கள் மற்றும் ஓட்டுநர்கள் மீது வழக்கு பதிவு செய்யப்பட்டது.மேலும் கனகராஜ் (55), தினேஷ் குமார் (29), அய்யப்பன் (33), விஜூ(29),தர்சன், சாகுல் ஹமீது(63) ஹரால்(30),சைனு(24) சைன்றோ(25) ஆகிய ஒன்பது பேர் கைது செய்யப்பட்டுள்ளனர். இந்த நடவடிக்கை வரும் நாட்களில் மேலும் தீவிர படுத்தப்படும் என தகவல் …

வேலூர்:: தமிழ்நாட்டில் ஊரக வளர்ச்சி மற்றும் உள்ளாட்சித்துறை நீர்நிலைகளில் மீன்குஞ்சு இருப்பு செய்து உள்நாட்டு மீன்உற்பத்தியை அதிகரிக்கும் திட்டத்தின்கீழ் மீன்வளம் மற்றும் மீனவர் நலத்துறையின் மூலம் வேலூர் மாவட்டத்தில் ஊரக வளர்ச்சி மற்றும் உள்ளாட்சித் துறையின் கட்டுப்பாட்டின் கீழ் உள்ள சிவராமன்தாங்கல் ஏரியில் மாவட்ட ஆட்சித்தலைவர் வே.இரா.சுப்புலெட்சுமி 08.01.2025 அன்று 10,000 எண்ணிக்கையிலான மீன்குஞ்சுகளை இருப்பு செய்து தொடங்கி வைத்தார். இந்நிகழ்வின்போது மீன்வளம் மற்றும் மீனவர் நலத்துறை உதவி இயக்குநர் ஆ.மெர்சி அமலா,வேலூர் வருவாய் கோட்டாட்சியர் இரா.பாலசுப்பிரமணியன்,வட்டாட்சியர் ஜெகன்மூர்த்தி, மீன்துறை ஆய்வாளர் கீர்த்தி வர்மன் உட்பட பலர் உடனிருந்தனர்.